超人能量——惡搞也有 安全網

  拜登以七十八歲入主白宮,銳意一掃頹風,四處點火,已經在烏克蘭搞到戰雲密佈,同樣,曾志偉以六十八歲入主無線任副製作總經理,老而彌堅,挑起戰火,開出第一炮——《開心大綜藝》,立刻擦出火藥味,掀起了電視戰,viu都搞個「最後一屆口罩小姐」競選來迎戰。

  電視有仗打,電視人才興奮。自從亞視退出大氣電波,香港電視幾耐未打過仗?「HK TV」一輪游擊,都係停留在口水戰。果然,《開心大綜藝》第一集就立刻「中彈」,不是來自口罩小姐,而係收到二百多宗投訴,都係話「模仿」高官,有侮辱性。今時今日,如此社會氣氛,香港人看事情都帶點立場,難免。

  《開心大綜藝》搞笑,扮野,搞惡,非常大路,不算批評政府。況且,一早都佈下了安全網,第一隻gag都先來自嘲,志偉和祖藍都身先士卒,諷刺高層患了「變矮症」,志偉和祖藍都身先士卒。之後,再向醫護致敬,高歌一曲,熒幕左下,更有caption明示,講明搞笑不用認真。這些「準備」工夫,過往都沒有做過,算係有「志偉」的表現。

  電視大戰,綜藝節目起動得快,速戰速決,成績立竿見影,即時反映民情,包括投訴。不好之處,沒有長劇的追看性,可看可不看!今次加入了「我要做台慶」環節,讓藝員掙取台慶入場卡,一集一集的鬥下去,是有追看性設計,花了心思。

林超榮


hd