超人能量——東奧歡樂抗疫

  我一直贊成搞東京奧運。終於,日本政府排除萬難,延遲了一年舉行,舉世支持。

  理由是,搞又有疫情,不搞都係有疫情。你搞又係蝕本,不搞也是蝕本,不如就放手一搞,至少,全球人類都賺到一個開心。

  直到目前為止,香港運動員都算係小豐收,張家朗得到第一劍神金牌,真係歡聲震天,隔了一天,飛魚小女將何詩蓓又得到了二百米銀牌,真係興奮人心。

  運動員苦練十年,無非都是落場一刻,為自己,為國家,都是極難得的機會。奧林匹克精神就是勇往直前,面對疫情,毫無懼色,只要全人類做足準備,場內場外,一同迎戰新冠,就是今屆最能體現奧林匹精神。

  遲了一年的東奧是一大突破,更加突破是香港特區政府,勇奪轉播權,開放讓三大電視台任播。

  奧運一向是蝕本生意,投資巨大,今次,政府真正做到在疫情之後,有錢由得我賺,總之與民同樂!

  我很久沒有試過,跟三個女兒一同觀看電視,由劍擊睇到女排,由女排又睇到乒乓球、羽毛球,現在,我們連盛裝馬步舞都睇埋,看得津津有味。

  我也很久沒試過拿住遙控,一連六個電視台,睇完一個又一個,六個頻道,轉播不同賽事,項目五花八門,旁述員各具專業,分析獨到,非常精采。原來,香港不單止有出色的運動員,更有出色的旁述人員,只是,一直都沒有機會發揮。

林超榮


hd