超人能量——美食能愛國

  這二十年來,職業形象上升的最好最快的,應該是,大廚。

  昔日的廚房佬,今日都變了行政總廚,備受尊重。你識得一個廚師朋友,呼朋引伴,有好東西吃,就大受歡迎。

  香港人由搵食心態,進步到搵好食心態,大廚難求,一間好店子,口碑傳千里。門口排長龍,等他一兩個小時可以訂位的,還要等上一個兩個月,好吃的店鋪,十間不夠,要一百間,一千間,一萬家都供不應求。

  好廚子賺錢能力高,正如《食神》的周星馳對白,先做好一間,賺他第一桶金,再開分店,一間變兩間,兩間變四間,四間變八間,然後上市賺到錢,再分拆,賺到錢再上市,發過豬頭。

  我有個廚師朋友,怕做上市公司主席,太麻煩,索性把店鋪賣盤,一口價賺他一個億。

  大廚師炒得一手好菜式,形象突出,上電視做節目,口才了得,不用編劇寫稿,都妙語如珠,既炒得又talk得。難得的是,他們都有自己的語言風格,非常抵死。

  香港集中西名廚一地,可以打造香港成為美食之都,刺激經濟,吸引遊客,賺取外匯。打造這一條飲食產業鏈,大廚功不可沒。

  年輕一代,識飲識食,從飲食又可以了解中國文化,所謂,舌尖上的中國,八大菜系,蒸燉炆炒,四處尋食,進而也了解了中國山河地理,好吃的菜式,不但提升味蕾滿足感,更提升了愛國情懷!

林超榮


hd