任睇No.1
  • 26º
  • 94%
  • 2022年9月30日 星期五

林建岳博士 - 西九M+兩間新餐廳全新體驗|香港美事

大家都期待己久的社交距離措施昨天起分階段放寬,逐步讓市面可有序回復常態,我們麗新集團旗下餐廳及戲院亦重開。疫情期間,我們也有新拓展,旗下麗新餐飲兩間進駐西九M+的新餐廳,配合博物館重開亦正式登場,為大家帶來全新味覺、視覺、文化藝術集於一身的體驗和享受。

我成日同朋友講,西九係其中一個遠眺維港對岸中上環美景嘅最佳位置,選址M+嘅兩間餐廳毗疄海濱長廊,盡享地理優勢,置身餐廳不同角落,都可以飽覽維港天際線。其中,主打休閒全日餐飲概念的餐廳ADD+,名字取自於「All Day Dining」縮寫,後面嘅加號正正為全日餐飲概念增添無窮新意。我更加同廚師團隊共同研發一款心水菜式「香炒鵝油叉燒意大利粉」,每天以自家新鮮煉製嘅鵝油加入意粉爆炒,選料用上本地靚脢頭肉叉燒,再以煮食袋包裹焗爐焗香上桌,剪刀一揮,鵝油香氣立即四溢,相當滋味,限量每日五十份。無窮新意還包括煲仔沙嗲牛肉炒腸粉,將生炒牛肉加入秘製沙嗲醬,再落腸粉炒勻;而餡料十足嘅ADD+公司三文治,有十八層超級餡料及醬料,為大家帶來全新體驗。

另一間創新高端韓國餐廳Mosu Hong Kong,朋友們形容係千呼萬喚始出來,開業前已經廣受注目。呢間由我們麗新餐飲集團同Mosu Seoul行政總廚Sung Anh聯手開業嘅Mosu首間海外分店,喺首爾已經榮獲米芝蓮二星殊榮,並在「亞洲50最佳餐廳」中位居前列。Mosu在韓語解作「秋英」,意味由主廚發辦的餐單,就如同秋英花海多姿多采的顏色及氣味,為大家帶來豐盛而難忘的舌尖感官體驗。

食完飯嘅節目,梗係睇番場戲!我們旗下MCL全線戲院已重開,最近上畫套套都係大片。不過無論大家去餐廳抑或戲院,都要配合遵守防疫措施,做好個人防護。只有大家一人行多一步,鞏固現時得來不易嘅抗疫成果,嚴防疫情出現反彈,才能讓社會持續復常。
林建岳博士

hd