任睇No.1
  • 26º
  • 92%
  • 2022年6月30日 星期四

林建岳博士 - 《壯志凌雲:獨行俠》延續經典|香港美事

疫情稍緩,社交距離措施放寬,大家出街睇戲食飯。最矚目大片《壯志凌雲:獨行俠》(Top Gun︰ Maverick)隆重登場,香港搶先喺上周六起放映全球優先場;我同一班朋友捧場,好評如潮,仲話「場面震撼」、「絕對係男人嘅極致浪漫」。

闊別三十六年,呢套經典猛片震撼回歸,人稱「靚佬湯」嘅湯告魯斯(Tom Cruise)再登戰鬥機的英姿,終於等到嘞!一九八六年的《壯志凌雲》在全球掀起戰機熱潮,當年還帶動美國海軍航空兵的投考人數激增,MA-1軍褸賣斷市。今次續集講到「獨行俠」麥彼得服役三十年間,不斷挑戰自我極限。他臨危受命,回到自己出身的飛行學校擔任教官,訓練新一批準飛行員,以應付嚴峻任務。電影頭五分鐘,讓觀眾享受一級刺激,一架架戰鬥機在跑道上接連起飛,動力澎湃的引擎聲加上主題曲《Danger Zone》,令觀眾投入電影世界。

最震撼之處,係「實拍」,完全唔用CG,全體演員包括「靚佬湯」,係全實景拍攝,飛行場面同高空畫面都由演員在F-18戰機內自導自演自拍,湯告魯斯出動私伙戰機P-51親身上陣駕駛,海量鏡頭全方位捕捉飛行震撼畫面。一眾演員特訓五個多月,以克服高速飛行帶來的重力變化。朋友讚不絕口:「拍出了CG完全沒有辦法做到的那種震撼力度」,有影評話「驚心動魄的空戰場面,超越前作」。

最後,極力推介大家睇IMAX版本。戰機飛行的震撼畫面,配上IMAX視覺聽覺觸覺體驗,絕對perfect match!電影以IMAX「特製」拍攝,IMAX版本有近一小時專屬畫面,捕捉精采細節,呈獻豐富流暢空戰場面,讓觀眾猶如置身極速飛行之中的刺激,快感無與倫比。
林建岳博士

hd