仲達 - 黑桃火箭利追就掂|頭號目標

上次谷戰係今季冬草後首次做疏水工程,果然模式即變利追。今次沙田A欄國際賽日,亦係季內沙田種冬草後首次做了疏水,模式會係點?都唔使多講。再者,第八場香港盃,外隊馬中有匹大逃慣犯「本初之海」,如果臨場場地快,利放的話,隨時畀佢放到,而場地之神向來都支持主隊馬,所以即使壓地後,我估模式依然利追。

第九場三班一四○○米。「黑桃火箭」係上季用來跑打吡,本身根本係紐西蘭打吡冠軍,但近年紐國的PP質素似不如以往,所以此駒來港後跑了十場都仲未贏。不過失敗還失敗,「黑桃火箭」上仗季內初出在187場次跑嫌短的千四米,當日壓地後,偏差較上半場更利前領,跑道亦不利三疊,而「黑桃火箭」留後兼轉彎三疊,可以蝕的都蝕晒,最後仍後追第三,走勢的確令人眼前一亮。所謂打鐵趁熱,未開齋馬鬥志應沒問題,今次在估計利追的場地及排十四檔,就信佢呢鋪!
仲達

hd