關志康 - 如果一定要吃自助餐|神耆商機

上期提到,長者胃口變小,不喜歡吃自助餐。然而,有時老闆聽朋友推薦,遷就孫仔,或者自己童心未泯,偶爾都會心思思想吃自助餐。若你要幫有錢長者安排自助餐,要注意甚麼事情?

幫老闆訂自助餐,首要條件是貴,避開任何做特價的地方。貴不一定好,但通常有保證,而且肯定不會太多人。貴價餐廳,空間更闊落,避免拿食物時可能和嘣嘣跳的小朋友碰撞,長者出入會更安全和方便。放題式的自助餐,其實更適合長者。即點即做,有條不紊地端到桌上。既能像自助一樣各適其適,又可以安坐慢慢品嘗菜式。

六星級酒店通常不只開一個自助餐,你可以訂fine dinning的餐廳,如法國菜和扒房,食物質素、用餐環境都比大堂lounge好。最好約早一點開餐吃頭圍,擺盤更整齊,賞心悅目。鄰座到齊前,我們已經吃飽了。而且,慢慢吃,早點落格,對長者健康更有好處。個別酒店餐廳其實有包房,既可以靜靜地吃一餐,又可以出去「掃街」。一般沒有附加費,但要很早訂位。

有些酒店服務特別好,可以叫服務員幫手拿食物回來,老闆就食得更安樂。當然,你識做,人識做,適當的打賞是少不免的。要小心的是,有些長者友善的酒店,給滿六十歲的顧客打折。當服務員問:這裏有幾位長者?突如其來的詢問,可能會令你的「美魔女」老闆尷尬。
健康教育基金會主席
關志康

hd