新‧潮——自己公園自己救

  海洋公園開園未幾,為了廣為宣傳,邀請電台每周在園區舉行流行音樂活動,為期一年。身為監製每周日都在園內渡過,留下不少腳毛。早幾天園方公佈最新大計:「好高興有機會介紹海洋公園的最新計劃……」吓?力推救亡方案而已,喜從何來?

  過去個人不斷指出,海洋公園及廸士尼都是黑洞,再投放金錢,只會把問題讓後人來擔承。今回建議,大眾着眼未來可否反彈到七百五十萬人次入場。其實到數又如何?大話怕計數。一二至一三年創下入園高峰七百七十萬人次,當年收入十九億,人均二百四十七元,是當年門票二百八十元的八八折。包含了餐飲及紀念品銷售,連標準入場費都未收足,明顯已經係大問題。去年五百八十萬人入場,收入十七億,人均二百九十三元。是門券四百八十元的六折。問題核心係:如不能提高人均消費,即使七百五十萬人次進場,也是一盤蝕本生意!

  要起死回生?只有自己公園自己救!七百萬港人,生日當天入園消費五百蚊,已經有三十五億,自己玩晒,完全不用乞求外來遊客!但是否人人樂意及有能力?身體最誠實。廣東人有句老話:「冇咁大個頭,唔好戴咁大頂帽。」放在面前的是,有人做頂大帽,等個大頭出現,可惜未等到,香港已經頭都大埋。

楊振耀

hd