新‧潮——壯士斷臂

  海洋公園財困,本來預算同政府度百幾億,企圖換個靚裝翻身。好衰唔衰遇上疫情,唔單止雪上加霜,簡直係暴雪連天之下再遇上雪崩,如果沒有注資,七月前就要講拜拜。於是尋求申請政府撥款五十四億元,當中三十億償還債項,二十四億留為未來一年作營運資金。至於未來以何種商業模式有效運作,要再研究。

  放在眼前的其實簡單不過。如果有上市公司,開出同樣條件搞供股,會有幾多現存股東會有興趣繼續支持?投資講前景,一年之後將會如何營運都未知,就伸手要錢,有時老竇同仔都冇情講,奇怪係竟然有立法會議員,會認真咁討論應否撥款去救海洋公園?

  講來講去,海洋公園最大資產,係好抽象嘅所謂「集體回憶」。問題係,目下有人正威脅,要攬炒香港。就連香港這個城市嘅百多年「集體回憶」亦快將不保,海洋公園嘅「集體回憶」又算得上甚麼?不計疫情或有反覆,單單計攬炒成功的話,由現在到選舉,再到之後嘅紛爭,未來一年香港經濟市道必然持續向下走,百業繼續蕭條。海洋公園遊客與本地客,佔比約四十五與五十五。屆時遊客不多,本地客進一步減少,海洋公園又憑甚麼去翻盤?

楊振耀


hd