商界講呢啲——The Patio環球品酒之旅 歎盡食盡各國名酒美食

  Cally覺得,做人一定要「work hard,play hard」,所以做完個大Project之後,好想約埋一大班朋友,一齊去暢飲一番,盡情放肆吃喝玩樂!嚟緊紅磡都會海逸酒店The Patio戶外酒吧會喺9月30日舉辦環球品酒之旅,同你一齊歎盡環球靚酒同食盡佐酒美食,望住維港夜景,盡情享受返一晚。

  當日入場嘅可以無限暢飲來自世界各地嘅紅酒、白酒、氣泡酒、清酒同香港手工啤酒,葡萄酒同氣泡酒係由屈臣氏酒窖Watson's Wine贊助,質素梗係有保證啦。鍾意飲日本酒嘅就更加唔可以錯過各款清酒,重點推介輕盈洋梨、荔枝、白桃香氣嘅翠水純米吟釀,入口有淡淡幽香瑰麗味道。本地品牌Heroes嘅手工啤酒更加不容錯過!有得飲又點可以唔食啲小食?Cally知道場內會無限量供應10款佐酒一流嘅美食,重點推介西班牙燒乳豬、薄荷羊肉丸同蒜香鳳尾蝦,保證每款都令到大家食唔停口,加埋呢個一流嘅維港夜景同埋樂隊現場駐唱,真係味覺、視覺同聽覺嘅一大享受!

  當日入場仲可以獲得即場派發嘅餐飲優惠劵,下次喺餐廳消費滿指定金額後可享買3送1自助晚餐同多達5瓶指定美酒等優惠。仲唔快啲掃瞄QR code訂位,eShop仲有9折優惠呀,每位都只係港幣$315!查詢詳情請致電3160 6882!

Cally

hd