商界講呢啲—— 坐叮叮過聖誕

  叮叮真係陪Cally度過好多青春歲月㗎,仲記得以前同honey拍拖,都會一齊坐叮叮㗎。今個聖誕,Cally又可以重拾呢個回憶喇!The East及悅來坊由即日起至2020年1月2號同香港電車合作,呈獻《電車聖誕展覽》,商場幻化成聖誕電車站,車廂搖身一變,成為香港電車時光隧道,到時會展出由香港電車同香港收藏家協會主席張順光借出嘅珍貴展品,將昔日電車懷舊面貌同最新產品展現於大家眼前。除此之外,仲有多場精采嘅聖誕表演同特色工作坊,快啲同你嘅honey一齊懷緬當年啦!

Cally

hd