商界講呢啲——Every Drop Counts

  透過遊戲學愛護地球往往比喺書本學習更易吸收。「水知園」喺十二月十四號正式開放畀公眾,入面有唔同嘅趣味互動遊戲,等大家明白珍惜水資源嘅重要。本身喺水務署旺角辦事處嘅水資源教育中心正式搬咗去天水圍,面積仲增加1.4倍至720平方米!除咗有十二個展區之外,入面仲有五十多項與市民生活息息相關嘅展品。當中唔可以錯過嘅有立體球幕影院,利用立體影像將有關水資源嘅資訊以動感形式呈現喺觀眾眼前。另外,大家仲可以透過遊戲親身體驗水循環過程同埋參觀運作中嘅循環再用水系統,加深對水資源同埋循環再用水嘅認識O添!公眾人士歡迎喺「水知園」開放時間內入場參觀,中心亦設有導賞團供團體預約,想知多啲可以睇吓「水知園」網頁:www.h2opecentre.gov.hk。

Cally


hd