商界講呢啲——萬象更新迎鼠年

        新年到喇,唔知大家封咗利是未呢?未?唔緊要,Cally話你知邊到有得換又靚又潮利是封啦!而家恒基兆業旗下商場包括MCP CENTRAL & MCP DISCOVERY(新都城中心2期及3期)、MOSTown新港城中心、荃灣千色匯、元朗千色匯、K Plus、屯門時代廣場、沙田中心.沙田廣場同利奧坊聯手打造花漾利是禮盒連年曆相框。佢哋特別以牡丹同百花做主題,封套嘅花卉仲係手繪嘅,打開時會有立體牡丹造型。禮盒仲附有2020年曆卡同座枱相架。

  除此之外,新年就梗係要大掃除啦,而家商場仲有「萬事如意」醒獅抹布,可愛獅頭造型以超柔軟毛球、毛料同繡花製作,抹布以絨毛條吸水,可重複使用,真係實用又美觀!

  想換齊兩樣禮品嘅朋友,只要喺商場內以即日電子貨幣消費滿港幣800元或以上,憑最多2張唔同商戶嘅即日有效電子機印發票(每張有效發票最少港幣100元或以上),就可免費換領花漾利是禮盒連年曆相框一套(1月24日或之前)同「萬事如意」醒獅抹布(1月25日至2月9日)㗎喇!

  而家顧客仲可以參加大抽獎,喺商場以電子貨幣即日單一消費滿HK$300或以上,憑商戶即日有效電子機印發票,連同相符嘅正本電子貨幣顧客付款交易存根,即可參加「即抽即中獎」一次。另外仲有「新春終極大抽獎」,顧客有機會攞到Hyundai i30 名貴房車一部㗎,仲唔快啲嚟買嘢參加抽獎!

Cally

hd