商界講呢啲——用行動支持:快樂可以好簡單

  新型冠狀病毒襲港,連帶一啲活動都為安全計取消,好似香港青年協會原定嘅街頭賣旗活動!不過要支持香港青年協會未必需要等到賣旗日,事關佢哋推出「金旗認捐」同「解憂文件夾義賣」活動,希望透過呢兩個活動都可以達到賣旗所得嘅善款,為青少年情緒健康服務提供所需資源。呢兩個活動仲特別邀請咗本地著名插畫家「馬姐」合作,凡捐款港幣$100元便可獲贈由馬姐設計嘅限量版金旗一套;另外馬姐亦以精美圖畫配上打氣嘅句子,包括「有困難,我撐你」、「要信自己」、「借個膊頭畀你」、「忙極都要抖吓氣」、「停一停,深呼吸」等,設計咗一系列文件夾,等你都可以注入正能量,每款單價15港元,集齊一套5款都只係50港元。想做善事可以上網https://hkfyg.org.hk/zh/flagday2020認購金旗,或者訂購「解憂文件夾」,仲唔快啲上網睇吓,以行動支持將愛與關懷傳到每個角落,等人人都知「快樂可以好簡單」!

Cally

hd