商界講呢啲——同KUROMI影輯靚相!

  雖然情人節過咗,但仲有4大粉紫色KUROMI浪漫打卡場位等緊你去影!由即日起到3月1日期間,喺四大置富商場有超萌KUROMI打卡場景,當中最搶眼一定係置富第一城嘅3米高巨型KUROMI花燈同桃花牆!馬鞍山廣場就有1.8米高舞獅造型KUROMI同埋2.5米高超巨型風車!而置富都會就有五鼓福星,每個堂鼓都印住KUROMI樂團團員嘅頭像,仲有一個2.8米高嘅KUROMI大堂鼓O添。最後當然要介紹埋+WOO嘉湖嘅「KUROMI花開緣滿樂庭園」,庭園係以傳統中國建築做設計藍本,由門樓、窗框以至大拱門都融入咗KUROMI特色,好靚㗎!

Cally

hd