商界講呢啲——線上order線下取餐 上班一族抗疫慳時間首選

  而家疫情咁嚴重,為人為己,出街真係免得就免,不過要返工就無辦法啦!講到lunch time,都唔係個個有時間自己煮嚟帶飯,但係自取外賣,又怕要等好耐。等Cally醒你個小貼士啦,就係MOKO新世紀廣場嘅「MOKO美味在線!」一站式餐飲外賣自取平台!

  呢個平台特別精選多款午市同晚市特惠餐飲,網上order完夠鐘先去餐廳拎,慳返等餐嘅時間,真係超級方便。星期一至五登入呢個網上平台(shkp-food-ordering.com)或掃瞄指定嘅QR Code,就可以輕易搵到心水嘅餐飲菜式並即時落單,又快又方便!

  平台仲有獨家着數優惠,淨係計由即日起至8月7日嘅首輪優惠就有近20家精選食肆,同埋近40項特惠餐飲,有齊中日韓菜式,仲有買一送一養生茶品,折扣更高達4折,咁多款菜式揀,計落平過自己煮喎。除咗嗌外賣有優惠,星期一至五係新地三大商場(旺角MOKO新世紀廣場、葵芳新都會廣場同元朗YOHO MALL形點)買嘢都有着數!如果好似Cally咁做咗The Point by SHKP會員,係商場內消費滿指定金額,即可換領高達HK$1,000商戶現金券,同時賺取The Point積分,咁多着數,搞到Cally購物欲上升O添!

Cally

hd