商界講呢啲——禁堂食無有怕 北角匯四大外賣優惠 好吸引呀!

  近排香港疫情反覆,加上政府收緊措施禁止堂食,有啲「無飯家庭」真係諗食咩都諗到好頭痛!最近北角匯推出咗四大外賣優惠企劃,就梗係要share畀大家啦!

  由今個月29號起,係北角匯指定嘅食肆外賣自取,可以獲贈額外10倍積分。另外,近20家食肆更特別推出外賣自取折扣及菜式,當中「加餸優惠」低至2折,仲送招牌美食,唔單止有咁多款式畀你揀,仲分分鐘平過自己煮呀!甚至只需$68就可以係屋企嚟一場邊爐一人前,honey忙起上嚟自己都可以慢慢歎吓美食!

  外賣有咁多選擇,真係令人心大心細,好彩北角匯提供WhatsApp外賣查詢專線(電話:5514 2798),可以先收取餐單或外賣自取餐廳嘅資料,有得慢慢睇慢慢揀。咁方便,小妹都偷吓懶,做個「無飯煮婦」先!

Cally

hd