商界講呢啲——新地十二大商場 加碼優惠一籮籮

          第三波疫情叫做回落咗,逛街時喺保持社交距離下都可以鬆一口氣,大家買嘢都放心啲!所以新地旗下十二大商場(東港城、上水廣場、北角匯、[email protected]、將軍澳中心、Mikiki、PopWalk天晉滙、卓爾廣場、錦薈坊、荃錦中心、荃灣新領域廣場及屯門寶怡商場)夾埋共200個商戶推出超過400個餐飲優惠,其中堂食優惠低至5折,更加碼送出商場贈券、倍數積分、同埋免費或以消費換領口罩套,等大家都可以安心用餐。The Point by SHKP會員更加可以尊享防疫物資換領等優惠,等大家都可以用最抵價錢品嚐堂食,而且外賣自取亦會繼續加倍賞,無論堂食定係留家用膳都著數多籮籮啦!

  唔單止咁,由即日起至9月20日,The Point by SHKP會員憑低至300積分並喺北角匯消費滿指定金額,即可換領「美食」或「健康」主題福袋一個,數量有限、先到先得㗎。另外,上水廣場再度加推「外賣自取滋味賞」,The Point by SHKP只要以100會員積分就可以換領$10外賣自取餐飲券,200會員積分仲可以換領$20外賣自取餐飲券,仲有好多優惠,真係講都講唔晒,仲唔快啲去新地十二大商場睇吓仲有咩著數等緊你!

Cally

hd