商界講呢啲——My Melody變身包點呀!勁Like!

  My Melody嚟到唐記包點喇!由即日起唐記包點仲推出My Melody包點系列,包括立體造型嘅My Melody紅豆包、一盒4件嘅雙色餃點心盒、My Melody菜肉包,三款食物都精緻可愛。紅豆包嘅外型真係可愛度爆燈,帶住白蝴蝶結嘅My Melody,配上綿密紅豆,真係唔捨得食佢落肚,而且仲係每日限量發售。為咗特別照顧一班fans可以盡情打卡,紅豆包仲以凍包形式推出,蒸之前可以影張靚相,水滾後再蒸8分鐘就食得喇!好食嘅又點止咁少,雙色餃點心盒有2件蝦餃同2件菜肉餃,白色煙韌餃皮包住優質海蝦肉,爽口彈牙,而粉紅色餃皮包住菜肉餡料,睇得又食得。仲有菜肉包;包面烙印咗全新My Melody點心蒸籠新造型,未食都已經心心眼啦。而家仲唔去「唐記包點」、「唐包點」同「巧手製作」同My Melody相聚啦!

Cally

hd