商界講呢啲——北角匯嚟緊有戲院喇

  好消息!新地旗下北角匯正式有電影院喇,對於戲迷嘅小妹嚟講真係天大嘅喜訊呀!今次北角匯成功引入新租戶ACX Cinemas,會喺11月正式開幕。ACX Cinemas代表咗三個宗旨,包括「Amuse」、「Comfortable」同「Experience」。[email protected]北角匯戲院總共有4個影廳,仲會以太空科幻為設計意念,除咗度身打造香港電影專屬影院,仲會喺播放電影時段方面有破格安排,希望可以打破傳統娛樂社交模式,照顧到唔同階層嘅觀眾群,等各位都可有全新而貼心嘅電影「睇」驗。

  新鴻基地產(銷售及租賃)代理有限公司董事鍾秀蓮仲話好開心見到ACX Cinemas對北角匯充滿信心,在場內開設呢個院線嘅首間影院。而對於Cally嚟講,北角匯真係好方便,除咗有壯闊維港景致之外,仲非常近北角港鐵站,方便睇完戲之後去九龍東或者港島東再shopping,附近仲有酒店,啱晒小妹staycation啦!而家佢仲引入埋戲院,相信住喺附近嘅市民同Cally一樣,「餓」咗咁耐戲,好期待睇吓有咩新戲準備上映啦!

Cally

hd