商界講呢啲——貓奴必去嘅畫展

  小妹同好多香港市民一樣,適應咗同疫症共存嘅生活,周末喺保持適當社交距離下,都會行吓商場。新地旗下商場北角匯,時不時都有新搞作,上星期都忍唔住同姨甥去行吓。8月開始嘅《紫在北角匯》花海祭,喺上星期正式落幕,我哋趕喺展期完之前去睇,喺呢個紫色夢幻國度盡情賞花打卡。當然唔少得睇埋今個月引進嘅《貓.美術館 – CAT ART世界名畫展》。

  個展由台北、高雄及日本巡迴至香港,有成61幅名作加上多組立體及半立體萌喵場景,令小妹呢啲貓奴「可以親身走入畫中」,投入貓之視覺,個體驗好特別。呢兩個展吸引咗好多人專程去呢個商場打卡,個場旺咗,新鴻基董事鍾秀蓮小姐話,喺雙料人氣活動帶動下,商場人流、車流對比上月同期分別錄得25%的增幅,帶動生意額上升近20%。喺疫情期間真係太好了!

  嚟緊北角匯喺今年11月20日至2021年1月3日,會聯同過百家商戶推出「北角匯一周年感謝祭」,雲集逾千件筍貨以低至1折起發售,The Point by SHKP會員更尊享以積分及指定消費金額免費換領iPhone12等逾500份禮品,市民千祈唔好錯過啦。

Cally

hd