商界講呢啲——玩過Peppa Pig兒童碰碰車未?

  兒童節目界嘅巨星Peppa Pig,陪伴無數小朋友一起快樂成長。近日荷里活廣場將Peppa Pig帶嚟香港,小妹梗係要帶埋姨甥一齊去。現場有全港第一個「Peppa Pig兒童碰碰車樂園」,見個埸整到好似溜冰場咁,姨甥又玩得咁開心,自己都想玩埋一份。想玩?好簡單啫,只要喺商場消費滿指定金額,或者憑荷里活廣場VIC會員指定積分,就可以預約參加活動一次,每日名額有限,要玩就趁早啦!

  入面仲有4大可愛打卡熱點,好似5米高Peppy Pig聖誕樹、馴鹿禮物專車、上演窩心聖誕故事華麗劇場,同埋充滿可愛角色嘅禮物派對站,個個都爭住影相,希望留低開心嘅回憶。荷里活廣場廣場仲特登準備咗3款獨家Peppa Pig限定禮品,當中包括「Peppa Pig Tote Bag」、「Peppa Pig 2021年座枱月曆」、「Peppa Pig精美貼紙」,手快有手慢冇!場內所有設施,每次活動完都會做好清潔,家長大可以放心同小朋友去玩啦。

Cally

hd