商界講呢啲——市民下載「安心出行」app 信和送商場現金劵

        第四波疫情準備殺到,市民又要提高警覺喇!政府為咗保障市民嘅安全,啱啱推出咗「安心出行」流動應用程式,等出街嘅市民可以記低自己嘅行程,方便日後萬一感染新冠肺炎,就可以追蹤密切接觸者。

  信和集團推出「安心出行獎賞活動」,市民只需喺信和集團旗下主要商場包括荃新天地、奧海城、屯門市廣場下載「安心出行」流動應用程式,掃瞄二維碼記低日程,就可以得到價值$20蚊嘅商場購物或餐飲現金券。佢哋仲喺旗下169項物業嘅當眼位置,張貼場所二維碼方便市民準確記錄行程,鼓勵市民可以記低進出唔同場所嘅日期同時間,以減低進一步擴散嘅風險。信和集團副主席黃永光仲表示,新冠疫情爆發至今,對香港各行各業帶嚟深遠影響,所以有效防控措施對香港經濟復甦同就業環境至關重要。除咗市民,信和仲顧及客戶同租戶嘅健康,加強咗物業嘅防疫措施,提供安全潔淨嘅購物環境,真係抵讚。

Cally

hd