商界講呢啲——去ELEMENTS圓方做聖誕老人!

  又到聖誕喇!今年ELEMENTS圓方以「We Are All Santa!」為題,喺金區設置咗「白色聖誕村莊」,同大家一齊傳遞節日祝福。由即日起至1月3日,ELEMENTS圓方仲特別推出Joyful Rewards聖誕購物禮遇,憑指定消費尊享高達HK$52,000蚊獎賞,等顧客同摯愛喺ELEMENTS圓方共度佳節時刻。

  喺「白色聖誕村莊」裏面,唔單止有七米高巨型聖誕樹等緊大家,仲有好多微縮藝術製作而成嘅白色村莊,可以飽覽3.5米高嘅復古鐘樓同22個唔同主題嘅精緻小屋,走入去好似去咗歐洲大街小巷咁㗎!除此之外,大家可以走入去九米高圓形星願拱門,睇到唔同造型嘅聖誕老人遊走喺夢幻雲朵同耀目星光中,大派禮物。另外,ELEMENTS圓方仲同本地慈善團體「Box of Hope」攜手宣揚「分享」嘅深層意義,鼓勵所有人都成為聖誕老人,為有需要嘅本地兒童帶嚟節日溫暖,體會分享嘅快樂。仲唔快啲同摯愛去ELEMENTS圓方睇吓!

Cally

hd