商界講呢啲——名畫驚現Sanrio大熱角色

  之前好多藝術展都延期或者停辦,小妹等到頸都長,好在而家終於有得睇喇!馬鞍山MOSTown新港城中心破天荒同Sanrio合力打造「MOSTown x Sanrio characters Christmas Galleria」主題活動,將Sanrio大熱角色融匯於19件博物館內的名畫及藝術作品當中,真係好有驚喜呀!

  今次展覽係全球破天荒嘅合作模式,跳脫可愛又不失藝術氣息,由即日起至明年1月17日,商場中庭化身大型藝術展覽館,大家可在5大展區包括設有光影及聲音導賞嘅「星夜光影聲樂之旅」、「梵高午睡梳乎藝拍區」、「莫內寫意浪漫遊」、「優雅印象派」及「大師名畫藝廊」等欣賞18幅創意澎湃嘅1:1比例藝術館畫作及1件主題藝術品,Sanrio大熱角色將融入喺每件藝術作品中,讓粉絲們探索佢哋嘅身影。無論大人細路、閨蜜或者情侶都可以去參觀,感受一吓不一樣的文藝聖誕!於場內消費滿指定金額,仲可以換領唔同款式嘅限量版Sanrio characters主題精品,大家不妨儲齊一套做紀念!

Cally

hd