商界講呢啲——喺聖誕節 為基層兒童送暖

  疫情持續,政府呼籲市民聖誕節繼續留家抗疫,Cally知道東薈城名店倉之前就送出聖誕網上工作坊材料包,畀香港明愛青少年及社區服務旗下4,500個基層兒童,鼓勵佢哋留喺屋企睇教學短片同DIY製作節日裝飾,疫境下將愛心同關懷帶入社區。東薈城名店倉總經理招穎文話,希望透過呢次活動,支持香港基層兒童,即使留喺屋企都可以參加網上工作坊,同屋企人一齊整聖誕蝕刻玻璃樽燈或者不織布迷你聖誕樹裝飾,享受親子手作樂趣,感受節日暖意。佢仲話,今年聖誕東薈城名店倉仲舉辦咗唔同無接觸親親體驗活動,目的係想喺咁困難嘅日子裏面都為市民送上祝福。

Cally

hd