商界講呢啲——新地8大商場 換領Pixar超sharp醒利是封

  收到封超sharp醒利是,唔單只利利是是仲零舍開心啲!今年sharp醒利是封當首數新鴻基地產旗下8大商場,聯同迪士尼與彼思《反斗奇兵》推出嘅「潮玩派對利是封」。

  利是封仲有兩個系列─「Sharp醒潮玩」版及「Party尊貴」版,前者主角包括有牛仔胡迪、牛女翠絲、三眼仔同埋Ducky & Bunny,唔單止有壓凸效果,而且拉下封面拉頁,仲即刻變身成為賀年揮春,靚到真係派畀人之前自己都要留番套!

  「Party尊貴」系列利是封套裝有個bling bling禮盒,裏面仲有「利利是是小袋子」、「胡迪、翠絲幸運曲奇」同埋「Party尊貴利是封」。呢套利是封有兩款,一款酒紅色嘅胡迪,另一款係香檳金色嘅三眼仔,真係簡約得嚟又好典雅!

  記得8大商場包括:東港城、上水廣場、Mikiki、PopWalk天晉滙、卓爾廣場、錦薈坊、[email protected]及寶怡商場。在場內消費滿指定金額便可以免費換到,如果係The Point會員仲可以喺App度憑積分預留,再去商場以優惠消費金額換領,提提你,數量有限呀!1月30號就開始換㗎喇!記住mark低日期去換返pack啦!

Cally

hd