商界講呢啲——東港城花市限定店開催 支持本地花農 實體店‧網上優惠 齊齊發放

        農曆新年梗係要行花市啦,不過今年因為疫情關係而取消咗,為咗方便市民買花,同支持本地花農,東港城由1月22日開始,推出新春花市限定店,展期仲加長至21天,等大家可以慢慢揀適合自己嘅年花。今年東港城繼續同香港蘭花大王、千葉園始創人楊小龍同香港年花大王、香港鮮花盆栽批發商會主席賴榮春合作,推出多款經典優雅嘅蘭花同年花,當中仲有第一次推出嘅12款本地培植時令蘭花,包括5款全新培植矚目蘭花、日本皇室蘭花昇華系列及性價比極高的蘭花入門推介等,更有多款東港城獨家發售,真係睇到人心花怒放㗎!

  賴先生講今年會喺限定店中加推年花數量,品種更多樣化,以吸納唔同客群,藉此減少取消年宵帶來的影響。楊先生就話因應今年年宵市場暫停,所以佢哋將更多蘭花送至東港城新春花市限定店發售,方便市民選購,加上延長展期,希望能喺商場限定店中收復失地;而且佢仲介紹咗5款新蘭花,分別係「團團圓圓迷」、「一笑百媚」、「萬人迷」、「天之驕子迷」、「春碧桃」,大家去到記得要望一下!

  疫情之下,佢哋都照顧好周到,落到花市限定店,大家可以用電子支付系統買花,而且仲設有「年花宅急便」服務,喺場內商戶購買年貨滿指定金額,商場即安排送貨服務。另外,東港城仲推出Facebook Live,有多盆蘭花會以限時優惠放送,慶祝東港城新春花市限定店踏入十五周年。佢哋仲請嚟著名堪輿學家麥玲玲師傅上嚟指點大家喺新一年點樣用蘭花催旺運勢。

  為咗令大家都可以過一個開開心心嘅肥年,商場今年仲大送300株開運蘭花,包括一連三個星期六,有150株$8蚊開運花「花蝶仙子」畀The Point會員,仲額外加送150株矜貴蘭花 「明日之星」畀會員換領,真係千載「蘭」逢。

  東港城新春花市限定店會喺1月22日至2月11日,上午11時至晚上9時喺東港城1樓117-118號舖,想了解多啲,記得密切留意東港城Facebook喇!

Cally

hd