商界講呢啲——行完花墟 再行MOKO半價辦年貨

        今年農曆新年冇得去旅行,最啱留喺香港同親朋好友歡度佳節啦。MOKO新世紀廣場仲好貼心咁推出「MOKO新春轉運祭」,全方位度身訂造旺角開運三部曲,等大家可以行吓花墟換開運大利是、打吓卡,仲可以半價入筍貨。由1月25日起至2月11日,MOKO為行花墟辦年貨嘅大家推出「開運年花の賞」,憑旺角花墟消費發票到MOKO可獲開運大利是。大家都可以去MOKO半價入定貨,開開心心迎接新嘅一年。除此之外,MOKO仲有用日式和風設計,有成30米長嘅「MOKO瀛春參道」,特設六大裝置同三大免費賀年祝福,打卡拍照之餘,同時轉出好運,帶嚟健康、幸運嘅祝願。唔單止咁,商場仲限定推出兩大必換賀年禮品換領,等大家可以喺超過20間年貨商戶享有高達半價優惠。活動期間,中庭仲會分別舉行一田北海道食品祭同新春賀年美食祭,幫大家搜羅北海道當地美食同其他賀年應節食品。

Cally

hd