商界講呢啲——貓奴喜訊 《貓.美術館》 香港站延長開放!

        早兩個月帶咗姨甥女去睇北角匯嘅《貓.美術館》,佢大讚個展覽好好睇,本身個展去到1月10日就完,以為無得再見啲咁可愛嘅貓咪,原來徇眾要求延長開放日期去到2月28日,仲要嚟咗個東洋風新春大變身,姨甥女即刻叫我帶佢去睇!

  入面打卡率極高嘅貓咪全部換咗東洋賀年裝,同觀眾拜個早年,個個都忍唔住同佢哋影相打卡。今年情人節,「喵大街」亦增添咗溫馨嘅畫作,加埋喺喵大街新增閃爆嘅雙雙對對「戀戀喵燈」,最啱放閃喇!北角匯仲趁住情人節同新年,加推一系列全新《貓.美術館》限量紀念品換領,包括香港站獨家「限量版喵作揮春」及「喵作大全撲克牌」,只要成為The Point by SHKP會員就可以憑指定積分同消費換領㗎喇!

  除此之外,由1月29日起大家仲可以玩「躲喵喵遊戲」,搵吓美術館4個唔同角落嘅QR Code,集齊4個印章就可免費攞到「貓‧美術館」香港站獨家限定喵作揮春同明信片各一套,數量有限,到時可以去《貓.美術館》行大運兼尋找喵蹤啦!

Cally

hd