商界講呢啲——北角匯推「睇戲消費」5重賞 滿足一班戲迷

        政府公布今日就可以有條件下重開戲院喇,真係可喜可賀呀。Cally都好耐冇睇戲喇,聽到今日有得去睇戲,都已經買咗飛喇。唔單止咁,北角匯仲聯乘場內[email protected]北角匯戲院,零售同餐飲商戶,同毗連商場嘅酒店,推出「睇戲消費」5重賞,包括「加HK$1睇好戲」、「消費送換票證」、「票尾回贈優惠」、「住酒店送戲票」同憑單購戲票即減$10。其中,北角匯與ACX戲院會喺復業第一同第二日,透過手機平台畀The Point會員憑1,000積分加$1蚊換購正價戲票一張,每日名額250個,合共500個名額,啱晒一班餓咗好耐嘅戲迷。[email protected]北角匯仲好注重戲迷嘅健康,所以成間戲院都已經噴灑長效抗菌塗層,範圍包括整間戲院座位、牆身、通道、門同共用空間,另外戲院仲採用HygieneX消毒系統,定時喺每個位置進行消毒,確保戲院環境潔淨。而入場嘅市民亦需要佩戴口罩同量度體溫,而戲院都會預留充裕時間喺每場電影播映完之後進行清潔同消毒,等大家都睇得開心又安心。

Cally


hd