商界講呢啲——同喵主子過一個至萌復活節啦!

  今個復活節,大家都仲未可以出埠,5日長假點樣過先好呢?Cally話你知,《貓.美術館》自上年11月初登陸北角匯以嚟,吸引咗好多貓奴打卡。雖然因為疫情,好多立體景區都曾經要暫時關閉,不過限聚令放寬重開之後,仍然收到大量貓奴查詢同希望原訂於2月結束嘅《貓.美術館》可以延長開放期。所以喵主子終於都肯繼續留低喺《貓.美術館》,仲終極開放至5月31日,兼且加入咗3大驚喜,除咗新增多個喵作場景打卡位,仲預備咗復活扭蛋同朱古力,隆重打造最應節嘅《貓.美術館》Easter CATsule扭蛋限定店,等貓奴可以換領限量加推嘅12款全新喵作主題扭蛋精品,參加埋好玩節日活動「Easter朱古力自由裝」,照顧埋貓奴、喵主子同小主子,齊齊過一個有得影相、有得玩,又有得帶走紀念品嘅至萌復活節啦!

Cally

hd