商界講呢啲——橫掃16個市場推廣大獎 真係要畀個like!

  新鴻基旗下嘅東港城、上水廣場同PopWalk天晉滙,之前聯手推出「折上折瘋搶Online Sale」活動,喺《Marketing Magazine》主辦嘅「Mob-Ex Awards 2021」同「Asia e-Commerce Awards 2021」仲橫掃16獎,包括4金、6銀、5銅,同埋全場最高榮譽嘅「手機市場推廣卓越大獎」年度最佳品牌,真係要畀個like呀!呢個「Mob-Ex Awards」同「Asia e-Commerce Awards」係由業內專業人士組成嘅評審團,表揚出色嘅流動營銷企劃同善用創新電子商務策略嘅企業,喺業界好有份量,攞到獎一啲都唔易!疫情下洞悉休閒同消費模式嘅改變,網購會成為大趨勢,所以東港城、上水廣場同PopWalk天晉滙就把握咗呢個營銷機遇,聯手推出「折上折瘋搶Online Sale」優惠網,等市民可以喺屋企都可以超抵價瘋狂掃貨,盡情享受購物樂趣!三個商場仲提供咗一連串期間限定網上至抵優惠,包括1折搶購超過130間商戶電子優惠券、HK$10瘋搶換購大熱商品同「eMall貨品優先搶」網上預購優惠貨品低至3折,加埋超過180個場內商戶獨家優惠低至3折,仲同時利用Facebook直播推介產品優惠O添,商戶太子珠寶鐘錶都話活動幫佢哋吸納新客源,成功帶動實體店消費!一個promo三贏方案,真係值得新地攞獎!

Cally

hd