商界講呢啲——過一個sweet到爆嘅「貓親節」

        嚟緊就係母親節喇,仲煩緊唔知買咩畀媽咪?不如自己親手做一份禮物畀佢仲好啦!北角匯《貓.美術館》香港站即將喺5月31日圓滿結束,喵星人為大家送上壓軸一擊大玩「食字」元素,將Mother's Day打造為「MEOWther's Day」,母親節改成「貓親節」,仲叫埋全港愛媽又愛貓嘅大家,到場慶祝兼尊享壓軸3大賞,各位只需要帶任何附帶相片嘅身份證明文件,中文名有「貓」字或英文名有「Cat」字,喺指定日期到換領地點出示相關證件,仲即場免費登記成為The Point by SHKP新會員,或現有會員只需出示附有指定姓名嘅電子會員卡頁面,可以免費攞到《貓.美術館》120片喵作拼圖一份。

  驚喜又點止咁少,就嚟母親節,不如親手整份禮物畀媽咪啦!而家喵星人一連3個星期六舉行「紙」愛MEOWther康乃馨盆栽手作坊,媽媽只需要帶同子女即場捐款不少於$100蚊,或者喺北角匯以電子貨幣即日單一消費滿$300蚊或以上,就可以換領「康乃馨DIY手工包」1份,裏面有手工紙花5朵、手工花枝同葉子、《貓.美術館》限量紙杯1套(4隻)、喵作精品1份,喺手作達人指導下即場自由創作出獨一無二嘅康乃馨盆栽紙藝手作,睇到都sweet到瀉出嚟呀!仲有,The Point會員仲可以低至88分激搶逾2,000件《貓.美術館》喵作精品,當中包括終極推出嘅11款別注版《貓.美術館》生活精品,仲唔快啲趁呢個機會同媽咪過一個幸福滿瀉嘅「貓親節」!

  而同系嘅荃錦中心,亦會喺母親節周末(5月7至9日)快閃推出【2人3『足』會員推薦獎賞」】,現有會員只要推薦親友即場登記成為新會員同出示指定消費單據,並即場登記積分,2人即可各獲贈3份大滿足禮品,包括名貴商戶精品、$20現金禮券及額外1,000分等。

Cally

hd