商界講呢啲——攞到「食品界奧斯卡」嘅品質獎標籤 真係好勁

  牛奶公司自家食品品牌Meadows喺上年推出以嚟,一直都係市民買嘢首選,而家旗下嘅中式食品品牌御品皇最近仲隆重升級,向消費者作出「優質、滋味、實惠」三重承諾,其中多款產品仲攞到有「食品界奧斯卡」之稱嘅世界食品品質評鑑大賞「Monde Selection」嘅品質獎標籤,真係要畀個like佢呀!呢個獎由1961年喺比利時布魯塞爾嘅國際和獨立的質量研究所舉辦,係好有代表性嘅世界性產品品質評鑒機構嚟㗎!呢三個承諾分別係確保產品優質、保留食材嘅味道同實惠嘅價格。Cally仲知道,御品皇自創立以嚟,已經推出150種產品,包括食油、中式麵食、急凍點心,以至醬油、罐頭海鮮等,而且其中兩款優質靚茶仲攞到獎O添,包括「御品皇鐵觀音茶包」被國際性品質評鑒機構Monde Selection頒發銀獎標籤獎,而「御品皇普洱茶包」就攞到銅獎標籤獎,而另外兩款「御品皇紅燒汁螺片」同「御品皇蠔皇海螺片」都獲得Monde Selection銅獎標籤獎。真係有實力嘅公司先可以攞到咁有份量嘅大獎。咁以後Cally出去買嘢,咁就識得揀啦!

Cally

hd