商界講呢啲——香港傑出活齡女性選舉

        唔經唔覺,原來作為活齡女性嘅護航團體,詠翔(香港)今年已經踏入十周年,佢哋仲舉辦咗「香港傑出活齡女性選舉」,表揚60歲以上,喺疫情之下啟迪別人同建設社會嘅活齡女性。詠翔(香港)由2011年成立到而家,已經舉辦咗超過100個唔同類型嘅講座、服務項目同公益活動,目的係希望協助會員提高各種生活知識嘅同時,可以建立一個互助嘅人際關係,令佢哋喺「健康、快樂、財富」三方面都可以達到人生目標。今次呢個選舉,仲邀請咗婦女事務委員會主席陳婉嫻、長者安居協會主席方敏生、香港長者產業聯會會長蔡少偉博士、資深傳媒人車淑梅、灼見名家創辦人文灼非同詠翔(香港)會長錢黃碧君教授,擔任評審委員會成員。選舉會由8月進行評審,10月公佈結果,仲會喺11月27日舉行頒獎典禮。想報名就可以上www.wingshongkong.org。

  除咗選擇之外,詠翔(香港)仲籌備咗一連串嘅活動,包括喺今年1月舉辦嘅正向人生研討會、製作傑出活齡女性電子故事書同影片、舉辦傑出活齡女性座談會同一連串愛心外展服務等。嚟緊詠翔(香港)仲計劃成立「詠翔學院」,透過自負盈虧嘅方式,以詠翔(香港)嘅使命「健康、快樂、財富」做主題,設計合適嘅課程,希望幫助會員規劃人生,長遠仲希望提供有資歷元素嘅課程畀會員參與O添。

Cally

hd