商界講呢啲——發掘生活樂趣療癒心靈

  近排多咗人留意身心靈健康,探索生活樂趣,就算消費都會諗吓點治癒自己。近日朗豪坊就為商場嘅手機應用程式同LP CLUB會員計劃換上全新形象,向會員顯示專屬禮遇同優惠,由即日起至7月4日,仲喺4樓開咗間Green Therapy日常療癒所,除咗提供一系列獎賞換領,更有多個療癒拍照區。朗豪坊實行線上線下、由APP內到外全方位滿足大家喜好。

  Green Therapy日常療癒所特別搵到台灣人氣文青插畫家WHOSMiNG創作出四種喜好日常嘅插畫,包括#美食日常、#樂活日常、#玩物日常同#運動日常,等大家搵到自己嘅興趣。仲唔快啲去療癒所搵對應自己嘅療癒角落打卡,喺社交平台向同好分享!

  另外,朗豪坊仲同本地茶飲店花果飄零合作,為呢4種喜好挑選專屬嘅特調花茶,而家下載全新朗豪坊APP,並登記成為LP CLUB會員,即可自選一包專屬DIY特調花茶包。

  一個全面的療癒旅程怎少得Staycation?朗豪坊聯同香港康得思酒店推出【限定美食療癒假期】,房價每晚由HK$1,099起,包雙人住宿、早餐及午餐或晚餐,DIY特調花茶及小物盆栽盲盒或卡片式便攜有機殺菌噴霧。優惠將於6月16日至21日快閃開賣。

Cally

hd