商界講呢啲——齊撐香港名牌

  香港有咁多好品牌,梗係要加以獎勵啦!香港品牌發展局(品牌局)喺7月14日舉行2021年「品牌選舉」新聞發布會,宣布新一屆「香港名牌選舉暨香港服務名牌選舉」同「香港新星品牌選舉暨香港新星服務品牌選舉」正式開始啦!發布會由品牌局主席陳國民主持,副主席盧金榮、吳清煥、黃偉鴻同沈運龍都有出席。

  由品牌局同香港中華廠商聯合會(廠商會)合辦嘅「品牌選舉」同「香港名牌選舉」舉辦多年。至今,四個「選舉」歷屆得獎品牌已達500個。四個「品牌選舉」而家接受報名,截止日期係8月31日。所有選舉初賽會喺11月下旬舉行,「新星選舉」決賽會率先喺12月中旬舉行,而入圍「名牌選舉」嘅品牌會喺12月舉行嘅「工展會」進行公眾投票,並喺明年1月初進行決賽。至於最高榮譽「品牌領袖獎」嘅預選和提名程序已於日前展開,決選將於11月下旬舉行。「品牌選舉」頒獎典禮暨慶祝晚宴定喺2022年1月24日,到時候財政司司長陳茂波將擔任主禮嘉賓,大家記得要齊撐香港品牌!

Cally

hd