商界講呢啲——答問題免費睇中國電影展

  由康樂及文化事務署和華南電影工作者聯合會合辦、銀都機構有限公司、南方影業有限公司、中國電影基金會協辦、紫荊文化集團支持嘅「中國內地電影展2021」將於9月17日至10月29日喺香港舉行。呢次影展題材多樣,開幕電影《吉祥如意》講述失智老人吉祥喺母親離世後嘅遭遇,導演利用半虛半實嘅拍攝手法,為電影類型開創新嘅一頁,電影前半段更獲得第55屆金馬獎最佳劇情短片,真係令人好期待呀。同樣以年關展開敍述嘅仲有《沒有過不去的年》,講一個普通家庭嘅過年故事,道盡人情冷暖。

  其他影片仲包括新意十足兼製作優質嘅動畫片《哪吒之魔童降世》、瘋狂嘅人生悲喜劇《無名之輩》、反映蒙古呼倫貝爾草原牧民生活嘅《白雲之下》,懷舊型嘅南漂生活記憶《蕎麥瘋長》同黑色犯罪類型影片《風平浪靜》和《鋌而走險》。其他還包括《刺殺小說家》、《平原上的夏洛克》、《又見奈良》及《唐人街探案3》等等。

  為咗同全港巿民共享光影樂趣,主辦機構特別安排《蕎麥瘋長》喺香港大學黃麗松講堂、北區大會堂演奏廳同影藝戲院(青衣城)免費放映,門票喺9月10日起在以上三個放映場地派發。另本報特別安排,玩遊戲答得最好的可獲門票兩張(每場30張)。

三場免費場日期

日期 時間 地點

20/9 6:30pm 港大黃麗松講堂

25/9 3:00pm 北區大會堂

27/9 10:30am 影藝戲院(青衣城)

Cally


hd