商界講呢啲——Cally帶你去北角 做一日「藝」文青

        眨吓眼已經9月,就算疫情下冇得飛去外國,留喺香港本地遊都可以有好多嘢玩!好似近排北角就多咗新嘅藝術裝置,唔少仲可以同寵物一齊去,同埋區內又有唔少文青咖啡店,啱哂「藝」文青去打卡。就等Cally話你知,點樣帶埋汪星主子去北角Art Like啦!

  旅程開始可以去北角海濱一帶「路過藝術節」,發掘20組公共藝術裝置嘅無限創意!其中北角碼頭有藝術家設置Pop-up迷你沙灘裝置《北角.小「嶼」》,可以瞓喺沙灘椅同主子共度悠閒假期!而鄰近嘅商場北角匯亦舉行緊《愛犬美術館》,可以同汪星主子一齊欣賞出自美國當代藝術家Michel Keck手筆嘅逾50幅萌爆狗狗畫作!美術館自開放以來好評如潮,更延長展期至9月30日同免費開放,加埋中秋主題節日裝置,成為人寵文青瘋狂打卡嘅勝地!

  喺商場對出嘅海濱公園,有一個兼容聲音交流裝置嘅社區休憩空間《北角交響樂》藝術設置,可以滿足聽覺享受。眼同耳朵都大滿足,又係時候tea一tea。喺《北角交響樂》藝術裝置旁邊,就有一間精品咖啡店「On The Hill Coffee Bar」,面向海濱花園景觀無可挑剔!帶埋狗仔行海濱、美術館、嘆café輕輕鬆鬆又一日,一於同汪星人趁中秋假到去北角打卡啦!

Cally

hd