商界講呢啲——為有需要人士提供安樂窩

  香港地寸金呎土,想搵個安樂窩都唔係咁易。話你知,嶺南藥業慈善基金會租用賓館2年做過渡性房屋用途,計劃項目已通過運輸及房屋局審批,並獲港幣1,032萬元撥款支持。賓館單位主要分佈喺油麻地同尖沙咀,地點鄰近港鐵站同巴士站,目標係租畀100戶。只要住喺不適切居所、輪候公屋三年或以上單身人士或2-3人家庭就可以申請啦!每個月租只需港幣3000至4200元,另收港幣100管理費(租金已包括上限$530 WI-FI上網費、電費同水費),主要為1-3人房間,雙人床、單人床,房內設有電視機、冷氣機、熱水爐同獨立廁所淋浴間。房間入面唔可以煮食,但喺共享服務間可以用雪櫃同微波爐。計劃而家已經開始分批接受申請,直至單位滿額為止每個星期一下午5點將截止一次,並進行該批次申請審核,完成後就可以簽約入住。有興趣可以電郵lingnammedicinescfl@gmail.com、打去2665 6738或者WhatsApp5540 2459查詢!

Cally


hd