商界講呢啲——嘆盡美國海鮮餐

  最近Cally 帶班姐妹去咗主打中高檔嘅美式意大利菜餐廳Amaroni’s New York Italian,食咗紐約地道嘅pizza、意粉,同新鮮進口嘅海鮮。講到小妹最鍾意嘅係餐廳聯同美國阿拉斯加海產市場協會合作,推出嘅尊尚海鮮餐牌,裏面有嚟自阿拉斯加新鮮海鮮食材嘅五道主菜。啖啖鮮甜嘅阿拉斯加王帝蟹肉分別配上自製醃汁同香濃蕃茄汁,烹調成兩道菜,好有意式風味!另外仲有三道主菜係用咗嚟自美國阿拉斯加嘅狹鱈魚同比目魚做主調,仲配埋新鮮蔬菜同意粉添。據小妹所知,阿拉斯加嘅海產因為喺寒冷嘅北太平洋生長,所以口感彈牙又含有豐富嘅Omega-3脂肪酸同蛋白質,仲要低脂、低熱量,啱晒為食而又唔想攝取太多脂肪嘅姐妹們,健康之餘又食到天然海鮮嘅味道。

Cally


hd