時時迷路又唔記得點返屋企？有冇諗過自己第日都可能會咁？有調查講，香港走向高齡化，估計每10個70歲以上嘅長者就有一個係認知障礙症患者，呢個病由初期到晚期會經歷數以年計嘅時間，畀患者同屋企人帶嚟沉重壓力。話你知，疫情期間好多社福機構都暫停同延期服務，唔少認知障礙症患者都被迫留喺屋企，令病情急速惡化。恒隆為咗紓緩問題，同香港基督教女青年會，合辦一個為期三年嘅「智愛無垠」認知友善計劃。佢哋想藉着舉辦一系列嘅活動，為認知障礙症患者同照顧者提供適切嘅支援，仲為前線員工提供training，同埋向市民大眾推廣，宣揚關愛共融嘅社會，值得一讚。
恒隆為咗引起市民關注，11月13日喺淘大商場中庭舉辦「智愛無垠」認知友善計劃社區共融日。活動除咗邀請到高錕慈善基金主席高黃美芸女士同大家分享有關照顧已故諾貝爾物理學獎得主高錕教授嘅點滴，現場仲會展出由一班認知障礙症患者及照顧者利用不同物料創作嘅藝術品，當中不得不提一幅名為「耆藝不凡 展翅翺翔」嘅大型裝置，每一條羽毛都盛載住佢哋嘅心意同故事。呢個星期六去淘大商場就記得去打卡喇！除此之外，仲有免費健腦諮詢同認知檢測，畀市民認識多啲腦部健康及認知障礙症，記得嗰日叫晒親戚朋友一齊到場參加，名額有限，先到先得！
Cally
;){kind=link}
;){kind=link}
;){kind=link}
;){kind=link}
;){kind=link}
;){kind=link}