• 2022年1月23日 星期日
  • 20º
  • 88%
  • facebook
  • Weibo
  • RSS

商界講呢啲——親子界盛事 集玩樂教育環保概念好去處

        等咗好耐嘅「MOKO動樂園!」以全新嘅面貌登場啦!喺11月19號會正式開放畀大人細路一齊放電,除咗一系列刺激好玩嘅遊樂設施,Cally知道佢哋喺設計上仲融合咗旺角地區特色,又加添咗動植物生態同多元環保概念,實行寓教於樂。

  「MOKO動樂園!」設施包括有近50米的全港最長攀爬牆、8米高的大型遊樂設施、由山丘、山洞組成嘅探索隧道同6組不同高度嘅滑梯,最高嘅一組滑梯更高達3.8米,一定滿足到唔同家長同小朋友嘅放電要求!講到設計概念, 「MOKO 動樂園!」喺旺角就梗係要用返地區元素,所以就分別加入雀仔同花為主嘅雕塑同圖案,配合動植物生態介紹,實行寓教於樂。

  另外「MOKO動樂園!」仲糅合咗環保概念,包括循環再用安全地墊嘅玩樂設施、提倡可再生能源嘅充電站、活用水資源嘅飲水機,以及善用綠化資源嘅休閒空間等,打造九龍區最型綠色玩樂天堂,小朋友一定會玩到樂而忘返!

環保概念 活用再生能源及綠化資源

  舊安全地墊拆咗之後,喺現場堆疊成斜坡結構,再用地墊膠粒覆蓋,畀到底層緩震效能同造到流暢嘅斜坡造形。

  園內嘅「活力充電區」安裝咗多部充電健身動感單車,設施附帶電子充電座,只要自備充電線就可以免費使用,鼓勵親子做多啲運動,將再生能源融入日常生活中,加強環保意識。

教育專區 學齊動植物冷知識

  「MOKO 動樂園!」想小朋友玩得盡興之餘,仲可以學到生態同環保嘅知識,所以整咗個教育專區。「自然生態區」嘅地下用咗插畫形式嚟介紹鸚鵡繁殖同成長嘅過程,仲有文字描述鸚鵡種類,咁就可以學吓動植物生態嘅冷知識。

  商場喺刺激消費之餘,仲積極開拓戶外消閑空間,加入推廣同提升環境及社區嘅持續發展價值,絕對值得一讚。



Cally

hd