• 2022年1月26日 星期三
  • 20º
  • 78%
  • facebook
  • Weibo
  • RSS

商界講呢啲——想你見你,細味台灣甜蜜小確幸

  每次諗起食飯嘅開心時刻,都係有姊妹、honey、屋企人嘅陪伴,好想多啲見到大家齊嘆美食。茶木為咗慶祝十周年,喺十一月廿五號推出咗「想你見你」電視廣告同一系列網上宣傳活動,等大家回憶吓喺茶木嘅台式甜蜜小確幸!每次去到茶木,當然唔會錯過佢哋嘅人氣打卡甜品「蜜糖磚塊」,今次仲出咗青蘋果酪梨蜜糖磚塊,牛油果、士多啤梨、藍莓同香蕉砌到好colorful,外脆內軟嘅吐司淋上天藍色嘅青蘋果味忌廉同粒粒可愛嘅焦糖小爆谷,齋睇都好開心!另外,今次都重點推介古早紅燒牛肉拌麵,每一啖都食到彈牙嘅牛面頰肉同自家鮮製嘅台式麵條,諗起都流晒口水!同埋脆脆黑糖瀑布珍珠奶茶都好正,黑糖加埋脆朱古力粒同芋圓串,上面鋪咗火炙奶蓋,真係甜到入心!大家聚埋一齊就係最好嘅時刻,約埋成班朋友去茶木三間主題店打卡,由太古城康怡分店到樂富分店,再到荃新天地分店,推廣期間只要下載指定平台嘅優惠劵,仲有上面三款美食嘅85折優惠!想見,就去見!
Cally



hd