• 2022年5月21日 星期六
  • 26º
  • 84%
  • facebook
  • Weibo
  • RSS

商界講呢啲|新春市集 辦年貨兼打卡好去處 - Cally

唔夠兩個星期就到虎年啦!大家辦好咗年貨未啊?今個農曆新年因為疫情嘅關係,年宵花市都取消咗,又無得出去旅行,咁不如留意吓有咩好玩好買嘅新春市集可以去啦!

臨近農曆新年,好多人都會去旺角花墟買年花嚟佈置屋企。話你知,附近嘅MOKO新世紀廣場出咗「賀歲年花二重賞」購物優惠。大家去完花墟買年花可以去MOKO,換HK$100賀歲購物贈券同2小時免費泊車優惠,贈券仲可以畀大家以低至半價嘅優惠嚟買場內賀年禮品,除咗贈劵之外,本身場內都有好多商戶做緊優惠,例如55折嘅百成堂十全十美鮑魚賀年組合、9折嘅龍島應節禮盒,同埋買滿$100可以半價換購嘅JAM STORY天然手工製作雪梨桂花果醬,無論係送禮定係自用,都夠晒體面同抵啊!

為咗應節,MOKO特別邀請插畫家林皮設計咗一套4款「新春祝願」利是封,同埋一套12款賀年Stickers,分別有女飛賊蘇飛同小跟班比利兔唔同嘅造型,每款再配上獨一無二嘅賀年祝福語。只要用手機掃描利是封背面嘅QR Code就可以下載,實體貼紙亦可以透過場內換領拎到,線上線下都感受到新春嘅幸福感!

今年花市、年宵市集取消咗點算好?仲可以去YOHO MALL形點嘅兩大新春購物年宵市集,小妹已經bookmark咗由即日到1月31號可以去「Kanahei’s small animals新春國際美食及精品市集」。YOHO MALL I同II中庭擺超過40個年宵攤檔,有好多賀年禮盒、珍貴海味、唔同靚酒同年花擺設等等,好想去盡情掃年貨啊!大家除咗可以買到心頭好之餘,仲會有優惠獎賞啊!商場出咗「冬日賞」,可以用電子貨幣即日消費滿$6,000,換價值$300嘅購物贈券組合,喺周末同公衆假期如果即日消費滿$20,000,仲可以換K$1,300嘅購物贈券組合。

另外,商場仲出咗全新一期嘅YOHO Zine電子雜誌同電子玩樂地圖,一家大細同一對對情侶都可以睇吓點樣喺新春行個大運,去吓元朗區嘅特色小店同好玩嘅景點,例如好有童趣嘅錦田壁畫村、風景好靚嘅大生圍、有夢幻花海嘅YOHO MALL白鷺花園,同埋嘆吓美食。大家不妨喺新春搵一日享受吓元朗一日遊嘅樂趣,想知點玩好可以睇www.yohomall.hk/yohozine。

兩大商場都因應晚市禁堂食推出「安心抗疫消費三重賞」。The Point會員透過「新地商場」手機應用程式,憑指定積分換領外賣自取折扣券,或以6時後消費滿HK$500額外獲賞一田HK$20禮券。另外The Point會員更可利用「新地商場」手機應用程式的外賣自取服務平台,直接預訂場內美食兼即時付款,選擇在指定時間到餐廳自取,輕鬆便捷,以特定的「外賣自取優惠碼」更可享有高達8折的優惠!
Cally

hd