任睇No.1
  • 28º
  • 85%
  • 2022年5月29日 星期日

商界講呢啲|商場新春帶頭推裸買 - Cally

過時過節唔少人變成大嘥鬼,食得放肆買得放縱,對環保生態帶嚟影響!一直推崇環保嘅荃新天地喺即日起至2月13日推出【CitywalkCataholic Wonderland虎年竹福】活動,仲同環保裸買店「四圍斟」搞咗個「環保祼買體驗店」,入面有40幾款本地環保品牌同純天然產品畀你揀,等你可以喺屋企大掃除洗邋遢。

Cally識得「四圍斟」嘅好姊妹Susan店長,佢話環保除咗回收同交換二手物品,仲要由源頭減廢、減少包裝做起。去年初佢就同成班有心人喺市集擺檔,游說人自備容器買嘢,用幾多、買幾多、斟幾多,於是店名「四圍斟」就係咁嚟!之後實體店、網上平台同步推出「裸外賣」同「裸網購」服務,即係上門收容器,斟好清潔用品同糧油就由專人送上門。

話你知,「四圍斟」着重天然成分,好多清潔、護理產品好受現代媽咪歡迎,好似不含有害化學物質嘅洗衣液、洗衣粉、環保尿布同環保乳墊等,唔單止減少碳足跡,仲支持本地開發同製造。荃新天地為響應環保概念,而家商場S+ REWARDS會員可以以點數換領多款清潔同個人護理用品,有皇牌產品Good Wastes好廢抗菌洗衣液(松香)、Earth殺菌茶樹洗手液、Wooden Breeze HK胺基酸啤酒洗髮皂等,趁新年快啲同屋企換「新」裝,兼體驗吓新一代無包裝嘅購物樂趣!
Cally■S+ REWARDS會員更可以點數換領多款清潔用品及個人護理用品
■S+ REWARDS會員更可以點數換領多款清潔用品及個人護理用品

hd