Cally - 革新BEAUTY WORLD成新界西北最大美妝專區 屯門市廣場推NFT專屬美妝社群|商界講呢啲

最近好流行元宇宙概念,個個都想投資NFT。NFT都幫唔少公司開拓咗市場機遇,屯門市廣場就重新打造咗美妝專區同BEAUTY WORLD,有超過40個國際知名美容品牌,可以話係新界西北最大美妝據點。佢哋仲推出「『Beauty Me』NFT美妝專屬社群」企劃,係全港首個商場將虛擬NFT結合實體會員制,同埋首個畀顧客親手設計專屬頭像NFT嘅商場,兼且會提供可持續嘅美妝體驗同專屬優惠。

小妹早排去屯門市廣場想行吓美妝專區,去到見到專區地方好大,大概有5萬呎同埋有40個國際知名美容化妝品牌,行落好舒服,有唔少美妝護膚產品都想入手!之後同信和集團資產管理董事蔡碧林小姐傾計,佢話上年年底已經開始優化美容專區,成個工程同推廣活動總共投資咗接近2,000萬,仲同本地綠色NFT平台Articoin創造全港首個商場結合實體會員制而推出嘅環保NFT,喺發展NFT項目嘅同時,減低能量消耗同碳排放,扶助初創公司將理念「落地」畀大眾體驗應用。佢仲話想吸納1,000位有消費力、創意同與時並進嘅客戶做首批「『Beauty Me』NFT美妝專屬社群」嘅一分子,畀大家有唔同嘅購物優惠同扮靚體驗。

由即日到7月26號,商場會推出一系列美妝體驗同優惠,仲會正式推出「『Beauty Me』NFT美妝專屬社群」企劃,畀大家自主咁發揮創意設計個人化專屬虛擬頭像,只要喺BEAUTY WORLD商戶即日消費滿港幣2,000元,就可以將自製嘅專屬虛擬頭像鑄造NFT,成為「Beauty Me」美妝專屬社群嘅一分子。今次推出嘅NFT係非交易性質,主要係用嚟做身份認證,所以唔使有加密貨幣錢包都可以輕鬆咁擁有NFT,畀有創意得嚟又貪靚嘅人體驗吓將實體同虛擬世界接軌。屯門市廣場首階段會送1,000枚NFT,即係會吸納1,000人做首批「『Beauty Me』NFT美妝專屬社群」會員。

有咗NFT嘅人可以有好多獨家會員禮遇,包括價值高達港幣$1,088嘅迎新禮物、美妝體驗、專屬美容工作坊同購物優惠等等,商場會喺每月、每季同不定期咁送出各式各樣嘅禮遇畀NFT持有人,真係好吸引啊!每個「Beauty Me」NFT仲會喺屯門市廣場中庭、全港商場最大嘅540吋超巨型LED大電視展出,畀NFT持有人可試吓以虛擬身份登上大螢幕!

除咗可以整Beauty Me NFT做美妝社群一分子之外,大家都可以去「BEAUTY WORLD Pop-up」設計唔同造型嘅個人化頭像,只要憑指定S+ REWARDS點數仲即場可以印你嘅個人專屬閃卡。
Cally
更多文章