任睇No.1
  • 29º
  • 75%
  • 2022年8月13日 星期六

Cally - 識食梗係揀龍華酒店|商界講呢啲

香港人識飲識食,邊度有美食都會一窩蜂去試吓。Cally今次帶你到沙田入村嘆經典名菜,四人套餐$500,勢必成為關注組嘅熱話!坐落沙田超過八十年歷史嘅龍華酒店,即使你未嚟過都知呢間餐廳位於「火車軌」旁邊,吸引過唔少影視紅星光臨,係香港現時碩果僅存嘅園林餐廳。

「沙田三寶」無法抗拒

去龍華酒店一定要試最基本嘅「沙田三寶」,包括:乳鴿、雞粥同山水豆腐花。龍華乳鴿嘅特別地方係只會用廿六日以內嘅鴿,先用熱水煮鴿去血腥,再放鹵水煮熟,加入麥芽糖油炸,吃來滲有淡淡滷水香味,鴿肉嫩而不乾。

至於沙田雞粥亦遠近馳名,米粒煮至爆開,令粥底軟綿,粥內雞件全是主角,有份量之餘,雞肉軟滑,雞件帶皮但粥底唔會有油膩感,配上香蔥及薑絲,整體非常配合,令不好薑蔥都無法抗拒。

而家龍華酒店推出嘅龍華乳鴿鮑魚餐,六道菜式,有蝦有鴿有鮑魚,再加上雞粥、鴿汁伊麵同時菜,四人份量只需$499,論價錢絕對是超值。要留意,想以超值價品嚐,要透過大航假期嘅訂座電話進行預約。
龍華酒店
地址:沙田下禾輋村22號
龍華乳鴿鮑魚餐
訂座電話:6284 4992(大航假期)
Cally

hd