Cally - 有免費巴士搭!|商界講呢啲

上個月,小妹發現街上面多咗富途牛牛車身嘅巴士,成架車都係藍色,加埋牛牛着咗西裝、攞住公事包嘅造型IP公仔,就連樓梯、扶手都有牛牛主題。富途話想用呢種方式撐住香港市民,畀一班打工人喺返工、放工得到支持同鼓勵。佢哋會同城巴新巴搞呢個免費搭巴士計劃1年,每個月都會唔同,只要搭到指定牛牛巴士就可以免費!佢哋喺6月嘅時候已經有牛牛巴士行城巴788號線,由港澳碼頭往返小西灣,每逢星期五免費接載。7月開始就會係城巴來往灣仔同荃灣嘅過海路線930號線,每個星期五只要遇到牛牛巴士,就可以免費搭車!而家喺富途嘅官方Facebook同IG玩一連串嘅互動小遊戲,仲有機會有限量精品,包括特別版富途八達通(價值約$150)同1:76牛牛巴士模型(價值約$580)。
Cally
更多文章